Behatokia

Zer da

ZIUReko Zibersegurtasun Industrialaren Behatokian zibersegurtasun industrialean dauden mehatxuak eta horiei aurre egiteko tresnak identifikatzen eta aztertzen ditugu.

Gure helburua Gipuzkoako enpresei beren jarduerarako dituzten arriskuak kudeatzen laguntzea da.

Horretarako, zibersegurtasun industrialerako ekipamendu espezifikoa dugu eta kanpoko iturri espezialistekin harremanetan gaude.

Etengabeko zainketa

Mehatxuak, kalteberatasunak eta arrisku-egoerak

Zibersegurtasun Industrialaren arloko mehatxuak, kalteberatasunak eta arrisku-egoerak etengabe zaintzeko prozesuari eusten diogu.

Gipuzkoako industrian eragina duten mehatxu, kalteberatasun eta arrisku espezifikoei buruzko ebidentziak detektatzen, prebenitzen eta zabaltzen laguntzen dugu, sektorearekin lankidetzan aritzeko proiektu esperimentalak garatuz.

Zibersegurtasun industrialeko soluzioen

Merkatuan eskuragarri dauden zibersegurtasun industrialeko soluzioen inguruko zaintza teknologikoko etengabeko lana egiten dugu.

Handizkariekin, banatzaileekin eta zibersegurtasun industrialeko teknologien fabrikatzaileekin kolaboratzen dugu, dauden soluzioen funtzionalitateak eta onurak sakon ezagutzeko. Gainera, gure Laborategiaren soluzio horiekin esperimentatzen dugu enpresei aholkularitza egokia eskaintzeko.

Horrela, Gipuzkoako industria-enpresek dauden babes-neurri teknologikoen nondik norakoa ezagutzea eta ulertzea errazten dugu.

Lortutako datuen analisia

Gipuzkoako industria-sektorearen zibersegurtasun-beharretara bideratutako dibulgazio-zerbitzu espezializatua eskaintzen dugu. Horretarako, hainbat analisi eta azterketa egiten ditugu, enpresei zibersegurtasunaren arloko merkatuaren erronkei eta eskakizunei erantzuten laguntzeko.

Balio diferentziala

Lehiakortasuna hobetzea

Zibersegurtasun industrialeko Behatokia izateak lehiakortasun-abantaila diferentziala ematen dio Gipuzkoako industriari.

Interes orokorreko hainbat helburu lortu nahi dituen ekimenaren izateko arrazoia da.

Zer onura dakartza?

 

Helburuak

 

Industria-sektoreak dituen mehatxuak hobeto ulertzea

Behatokitik gauzatzen diren jardueren bidez, Gipuzkoako industrian eragina duten edo izango duten mehatxuen testuingurua ulertzen laguntzen dugu. Behatokiaren lana Gipuzkoako enpresetan eragina izan dezaketen zibererasoen eta mehatxuen prebentzioa hobetzera bideratzen dugu.

Barne-ezagutza sortzea

Arrisku-egoeren ikuspegi osoak barneko ikerketa-ildo berriak ezartzeko eta joerak aztertzeko eta erronka berriak zehazteko lantaldeak sortzeko aukera ematen digu.

Industria-sektorearen arrisku-egoerak identifikatzea

Enpresek aurrean dituzten arrisku-egoerak identifikatzen ditugu, dauden mehatxuak, Industria-Kontroleko Sistemetako (ICS) zibersegurtasunaren egoera orokorra eta industria-sareen berezitasunak ezagututa. Gure helburua zibereraso potentzialen arriskua prebenitzen edo mugatzen laguntzea da.

 

Informazio garrantzitsua eskuratzea

Behatokiak industrian eragina duten mehatxu, kalteberatasun eta arrisku espezifikoei buruzko informazio garrantzitsua eta eguneratua eskuratzeko aukera emango die Gipuzkoako enpresei. Horrela, zibersegurtasunaren arloan erabakiak hartzeko prozesuak aurreratzen eta errazten laguntzen dugu.

Gipuzkoako industria-sektorearentzako konfiantza-iturri izatea

Zibersegurtasun Industrialaren Behatokiak konfiantza-iturri izan nahi du Gipuzkoako industriarentzat, zibersegurtasuneko mehatxuei eta erantzunei buruzko informazio eguneratua eta independentea ematen baitu.

Lortutako ebidentzietatik eta identifikatutako beharretatik abiatuta estrategiak definitzea

Gure jardueraren helburua lurraldeko industria-jardueraren benetako beharrei erantzutea da. Hortik abiatuta, gure estrategiak Gipuzkoako industriaren zerbitzura jartzen ditugu.

Jarduerak

  • Estatuko eta nazioarteko sareetan parte hartzea
  • Zaintza teknologikoa
  • Egoera eta joeren analisia
  • Sortutako datuen analisia eta hedapena

Zaintza

  • Mehatxuak
  • Teknologia
  • Araudiak
  • Joerak

Honakoak baliatzen ditugu lanerako:

  • Nazioarteko harremanak
  • Iturri espezialistak
  • Esperimentazio propioa
  • Elkarlana handizkari, banatzaile eta fabrikatzaileekin