ZIURek, zibersegurtasunaren ziurtapenari buruz eztabaidatu du
ZIUR Gipuzkoako Zibersegurtasun Industrialeko Zentroak, Ingeniariak eta Acelera Pyme elkarteek Donostian antolatutako 'Zibersegurtasun ziurtagiria' jardunaldian parte hartu zuen martxoaren 6an. Topaketak, enpresek aurten eta datorren urtean aplikatu beharko dituzten Europatik datozen araudi berrien erronkak eta aukerak planteatu zituen.
Hain zuzen ere, industria-prozesuetan eta produktuetan bete-betean eragingo duen 2023ko abenduan argitaratutako CRA (Cyber Resilience Act) aurten ezarriko da. Era berean, Ziber-Erresilientziaren reglamenduak lege horretan oinarritzen diren beste araudi batzuk nabarmenduko ditu, besteak beste, IEC62443 eta, zeharka, REC araudia.
ZIUReko zuzendari María Penillak manufaktura-industrian arau horiek agerian jarriko dituzten erronkei buruzko mahai-inguruan parte hartu zuen. ORBIK Cybersecurity, SAVVY DATA SYSTEMS eta iLine Microsystems bezalako enpresa teknologikoetako eta UPV/EHU bezalako ezagutza-zentroetako adituek ere parte hartu zuten solasaldian. Azken hauek, erregulazio, ziurtapen, produktu-garapen eta zibersegurtasun-laborategi esparruen ikuspuntua mahaigaineratu zuten.