ZIURek ziber inteligentzia txosten berri bat argitaratu du

2022 / 11 / 28
ZIURen ziber-inteligentzia txosten berriaren helburua da aztertzea, ea ingurune industriala ziurtatzeko zibersegurtasunaren arloko ikuspegi tradizionalistak (OT/ICS) balio izaten jarraitzen duen mehatxu berrien aurrean. Dokumentu honen bidez, ZIURek industria-ingurune bateko zibersegurtasunaren gaur egungo ikuspegia eman nahi du, baita hainbat gomendio eman ere.

ZIURek ziber inteligentzia txosten berri bat argitaratu du

Zibersegurtasunaren ikuspegi tradizionala jada ez da eraginkorra industria-inguruneetan

Gipuzkoako Zibersegurtasun Industrialeko Zentroak txosten berri bat argitaratu du, "Industria Sektorea, 2022ko urria - Ziber-inteligentzia txostena" izenekoa. Txosten horren helburua da aztertzea, ea ingurune industriala ziurtatzeko zibersegurtasunaren arloko ikuspegi tradizionalistak balio duen mehatxu berrien aurrean. Dokumentu honen bidez, ZIURek industria-ingurune bateko zibersegurtasunaren gaur egungo ikuspegia eman nahi du, baita industria-enpresei ondorio eta gomendio batzuk eman ere.

Txostenean azaltzen denez, industria sektoreko enpresek hazi, hedatu eta eraldaketa digitalaz baliatu behar direla, "4.0 industria" bezala ezagutzen dugun horretan, edo Internet industriala edo 4.0 Industria Konektatua ere. Hala ere, eraldaketa prozesu honek enpresen zibererasoen eraginpean egoteko azalera handitu du, dio dokumentuak.

Horregatik, azterlan honek industria kontzientziatu nahi du zibersegurtasuna, orain arte ulertu dugun bezala, ez dela nahikoa mehatxu berriei aurre egiteko, eta are gutxiago industria-inguruneetan (konplexuagoak baitira).

Ildo horretan, ZIURek zibersegurtasun industriala hurrengo mailara eramatea gomendatzen du, Zero trust segurtasun-filosofia, diseinu bidezko segurtasuna (Sbd) eta defentsa sakona erabiliz, sare dinamikoko ingurune bat ezartzea barne, baita urtero segurtasun-auditoriak eginez eta langileak prestatuz ere.