Urola Garaiko ETEak, phishing-ari aurre egiteko prest
ZIURek, UGGASA Urola Garaiko garapen agentziarekin batera, "Nola aurre egin phishing-ari nire enpresan. Sentsibilizaziorako eta prebentzio-neurrietarako estrategiak eta gomendioak" izeneko saioa egin zuen maiatzaren 22an, Urretxuko Sortzen Gunean. Eskualdeko ETEentzako tailerra, bi erakundeen artean diseinatutako heziketa zikloaren bigarrena da eta ohikoena den zibermehatxuaren, hain zuzen ere identitatea ordezteko erasoak, edo phishing-aren ingurukoa, izan zen.
Ildo horretan, ZIURek, phishing-aren eremuan estrategia, gomendio eta tresna batzuk eskaini zizkien hamar bat enpresari phishing-aren eremuan, haien arriskuez kontzientziatzeko eta zibermehatxu mota horiek identifikatzen eta prebenitzen laguntzeko, bai eta beren erakundeetan segurtasun-arrakala bat irekiz gero, inpaktua minimizatzeko ere, segurtasun-arrakala bat irekiz gero.
Horretarako, Iker Izaguirre eta Iñaki Torrecilla Gipuzkoako zibersegurtasun industrialeko zentroko adituek, nortasuna ordezteko modalitate eta eraso ohikoenak aurkeztu zituzten. Era berean, prebentzio-neurrien berri eman zuten eta legezko erantzukizunak jorratu zituzten, besteak beste.
Bestalde, ZIURen "Spear Phishing" proiektu esperimentala aurkeztu zuten. Proiektu horren helburua enpresak eta beren talde profesionalak beren lan-inguruneetan zibersegurtasuneko jardunbide egokiak gauzatzearen eta mehatxu ohikoenak identifikatzearen garrantziaz kontzientziatzea da.
Azkenik, zentroak zibersegurtasunarekin lotutako Gipuzkoako Foru Aldundiaren bi laguntza-lerro aurkeztu zizkien; horien barne Gipuzkoako enpresetan zibersegurtasuna ezartzeko eta industria-produktuen segurtasuna ebaluatzeko proiektuak garatzeko dirulaguntzak daude. Azken hori 2024ko ekainaren 3ra arte eskatu ahal izango da, eta lehenengoa 2024ko irailaren 16ra arte.
Hurrengo saioa, 'Ziber-intzidenteen aurrean eraginkorrak izateko gomendioak' izenburupean, ekainaren 19an izango da, eta Urola Garaiko enpresei ezagutza praktikoak eta datuak seguru mantentzeko funtsezko tresnak emateko diseinatutako hiru saioetako azkena izango da.