ZIURek BIEHMko Women in Industry hitzaldi zikloan parte hartu du
María Penillak, ZIUReko zuzendari teknikoak, BIEMH Makina-Erremintaren Biurtekoan markatutako hitzaldietan partekatu du bere ikuspegia
BIEMH Makina-Erremintaren Biurtekoaren harira antolatutako Women in Industry hitzaldi zikloan parte hartu du Ziurrek. María Penillak, ZIUR Zibersegurtasun Industrialeko Zentroko zuzendari teknikoak, gogoeta egin du beste profesional batzuekin batera industriaren erronka teknologiko berriez eta industriaren esparruan emakumeak duen paperaz.
Mahai-inguruan, honako hauekin batera aritu dira: María Penilla gure zuzendari teknikoa, Amaia Ayastui Kutxabankeko Berrikuntza eta Ubideen zuzendaria, Jasone Altuna Ibermaticako Erabilera Arloko burua, Carmen García IBM Consulting enpresako bazkide exekutiboa, Beatriz Altolagirre Ibermática enpresako Aholkularitza eta Aurresalmenta zuzendaria, moderatzaile gisa aritu dena, eta Arantxa Tapia Garapen Ekonomikoko sailburua.
ZIUR Fundazioko Zuzendari Teknikoak, María Penillak, ZIURek aurre egin behar dien erronkak azaldu ditu. "Industria sektorea oso tradizionala da, eta zibersegurtasuna gastu gisa ikusten du". ZIURetik "inbertsio bat gehiago dela transmititzen saiatzen gara", enpresaren digitalizazio-prozesuaren parte izan behar duela, eta, gainera, balio erantsia ematen diela enpresei. Gainera, segurtasun zibernetikoa "beharrezkotzat jotzen da, baina geratzeko etorri da", gaineratu du.
Industria-eraldaketako prozesuetara emakumeen talentua erakartzeko erronkari dagokionez, María Penillak esan du emakumeen artean autokritika handia dagoela STEAM arloko zuzendaritza-postuak onartzerakoan, eta beharrezkoa dela emakumeek erantzukizun-karguak lortzeko politikak garatzea. Halaber, adierazi du oso gaztetatik helarazi behar zaiela emakumeei konfiantza, askotan haurtzaroan erabakitzen delako lanbidea, eta, horregatik, gizartea, oro har, bultzatzen du emakumeak mundu teknologikoaren parte izatera animatzera; "erantzukizuna guztiona da", gaineratu du.
Ildo horretan, Carmen García IBM Consulting enpresako bazkide exekutiboak adierazi duenez, "Emakumeen talentua alde batera uztea, onartu ezin dugun luxua da. Zentzu horretan, adierazi du emakumeen talentuak "ikuspegi anitza, aberatsagoa eta berrikuntza susta dezakeela, eta, gainera, IAren algoritmoetan eta konponbideetan, iraganeko joerak, hala nola diskriminazioa edo inklusiorik eza, errepikatzen jarrai ez dadin lagundu dezake".
Amaitzeko, Arantxa Tapia sailburuak adierazi du beharrezkoa dela industriako zuzendaritza-organoak osatzen dituzten emakumeen kopurua handitzea, eta "hainbat eremutan lan egitea berdintasunerantz aurrera egiteko, batez ere industria-sektorean".