ZIURek OT-ko sarbide pribilegiatuen kudeaketari buruzko tailerra eman du

ZIURek OT-ko sarbide pribilegiatuen kudeaketari buruzko tailerra eman du

ZIURek OT inguruneetako sarbide pribilegiatuen kudeaketan sakontzeko Gipuzkoako enpresa industrialei zuzendutako tailer teoriko-praktiko bat eman zuen apirilaren 24an. ZIURen egindako topaketan zibersegurtasun industrialean adituak ziren hiru gonbidatuk hartu zuten parte: Unai Azurmendi, Wise Security Global enpresako business developmenta; Fernando García, One Identity enpresako software prebentiboko ingeniaria, eta Daniel García, Wise Security Global enpresako analista eta aholkulari seniorra.

Tailerraren helburua ITko arduradunak prozesu fisikoak monitorizatzeko eta kontrolatzeko erabiltzen diren teknologiekin eta sistemekin ohitzea izan zen, hala nola gailuak eta eragiketak ingurune industrialetan, eta zibersegurtasuna OT arloan, mehatxu nagusiak identifikatuz eta sistema kritiko horietarako sarbide pribilegiatuak kudeatuz. Hau da, OT inguruneetako aldaketen gaineko gobernu eta kontrol bat edukitzeak non eta nola lagun diezagukeen ulertzea.

Ildo horretan, lanaldi praktikoaren helburua enpresak horrelako arazoetan orientatzea eta sarbide pribilegiatu seguruak izateko tresnak hartzearen onurak aurkeztea izan zen. Horretarako, horrelako inguruneetan ohikoak diren hainbat kasu inplementatu ziren, bai eta horrelako konponbideak inplementatzeko alderdi teknikoenetan sakondu ere.