Zibersegurtasunari buruzko prestakuntza-tailerrak profesionalentzat eta ikasleentzat
Zentroak industria-sektoreko enpresetako profesionalak eta hainbat prestakuntza-zentrotako ikasleak hartu zituen, laborategian erakustaldiak eginez amaitzen diren prestakuntza-ikastaroak emateko.
Ziurrek lanean jarraitzen du Gipuzkoako industria-sarea eta ikasleak zibersegurtasunaren arloan sentsibilizatzeko eta prestatzeko. Joan den urtarrilaren 28an, sei konpainiak bisitatu zuten zentroa, eskaintzen dituen zerbitzuak eta eraso informatikoak saihesteko eman diezaiekeen laguntza ezagutzeko.
Ziurreko taldeak industria-sektoreak zibersegurtasunaren arloan egun duen egoera aurkeztu zien konpainia horiei, zentroko Behatokitik bertatik lortutako datuetan oinarrituta. Era berean, mekanizazio-prozesu bati buruzko segurtasun-gertakari baten erakustaldia egin zitzaien, eta merkatuan eskuragarri dauden tresnek horrelako erasoak detektatzen eta geldiarazten nola lagun dezaketen azaldu zitzaien.
Era berean, urtarrilaren 25ean Tecnungo Unibertsitateko IAko masterreko ikasleak izan ziren Ziur bisitatu eta laborategian zehar ibili zirenak. Bertan mekanizazio planta baten aurkako erasoa simulatu zuten. Astebete lehenago, urtarrilaren 18an, ITS Securityko Josu Barrientos eta Lander Irazustak, horrelako eraso informatikoak detektatzen eta horiei erantzun azkarra ematen laguntzeko emandako tailerra izan zen Ziurren.