Autodiagnostikorako tresna
Zer da
Diagnosi-tresna hau ZIURek garatu du erakunde baten zibersegurtasuna ebaluatzeko.
Lurraldeko industria-enpresei zibersegurtasunaren arloan duten heldutasuna ezagutzen laguntzea du helburu, bai eta zibersegurtasuneko estandar, araudi eta praktika nazional eta nazioarteko onenak sendotzea ere, informazio-sistemetarako eta industria-kontroleko sistemetarako (ICS).
Metodologia
Erreferentziako eta kalifikazioko araudiak
Tresnak nazioko eta nazioarteko araudietan oinarritutako 1.000 kontrol baino gehiago ebaluatzen ditu, hala nola ISO 27001, ISO27002, ISO 22301, TIA-942, PCI DSS, ENS, NIST 800/53 eta IEC62443, eta segurtasunari lotutako 14 alderdi kalifikatzen ditu, hala nola, malwarearen aurkako babesa, sarbideen kontrola, monitorizazioa edo araudia betetzea.
Onurak
Erakundearen zibersegurtasunaren maila eta heldutasuna ezagutzeak aukera ematen dio enpresari:
Kudeaketa hobetzea
Diagnosia, enpresaren zibersegurtasunaren heldutasun-egoera ezagutzeko abiapuntua da.
Zibersegurtasun-ebaluazio bat edukitzeak arriskuen kudeaketa optimizatzea eta ziber-arrisku polizak lortzea errazten du.
Irudia indartzea
Irudi korportiboa funtsezkoa da bezeroen, administrazioaren eta lehiaren aurrean.
Zibersegurtasun-maila ezagutzea berme bat da bezeroentzat eta hornitzaileentzat beren datuak erakundearen eskuetan babestuta daudela.
Lehiakortasuna bultzatzea
Konpainiak zibersegurtasunarekin duen konpromisoa egiaztatzea abantaila lehiakorra da sektoreko beste enpresa batzuen aldean.
Ziber-segurtasunaren kalifikazioak inbertsioen itzulera hobetzen du.
Kostuak murriztea
Hainbat estandar betetzen direla egiaztatzen duen prozesu bakar baten bidez segurtasun-maila ezagutzeak enpresaren gastuak murrizten laguntzen du.
Zibersegurtasuna ebaluatzeko prozesua sinplifikatzeak denbora eta baliabideak murrizten ditu.
Tresnarako sarbidea
Doako web-aplikazio honek zibersegurtasuna ebaluatzen du eskaintzen duen galdetegian jasotako datuetan oinarrituta.
Industria-enpresa bazara eta zure erakundearen zibersegurtasuna ebaluatzeko online tresnara sartu nahi baduzu, egin klik botoi honetan:
