ZIURek Mondragon korporazioko profesionalei azaldu dizkie zibersegurtasunaren arloko berrikuntzak
Gipuzkoako zibersegurtasun industrialeko zentroak zibersegurtasunari buruzko konferentzia bat eman du Mondragonen, Mondragon Korporazioko Ingeniaritza eta Zerbitzuen Dibisioarekin lankidetzan (MISE). Bertan, hogei bat profesionalek ezagutu dituzte zibersegurtasun industrialeko azken aurrerapenak.
María Penillak eta Iker Izaguirrek, ZIUReko zuzendari tekniko eta zibersegurtasun-teknikariak, hurrenez hurren, industria-inguruneko mehatxuen egungo egoera partekatu zuten, baita industria-enpresentzako zibersegurtasuneko Europako araudi berriek eskaintzen dituzten erronkak eta aukerak ere (NIS 2, CRA eta IEC 62443).
Era berean, Deception, BAS eta Spear Phishing, Gipuzkoako zentroaren en azken proiektuen emaitzak aurkeztu zituzten. Industria-enpresei egindako zibererasoen simulazio-ekimen horien helburua, IT-inguruneetan zein OT inguruneetan haien sistemek duten babes-maila neurtzea da. Eta, era berean, identifikatutako ahultasunen arabera eta arrakalen arabera hobekuntzak proposatzea eta prestakuntza eskaintzea.
Ildo horretan, zibersegurtasuneko adituek prebentzioa eta kontzientziazioa jarri zituzten zibererasoen hazkundeari aurre egiteko abiapuntu gisa.