ZIUR, 'QA&TEST Safety and Cybersecurity' konferentzian
ZIURek apirilaren 27an Madrilen egindako topaketa tekniko batean parte hartu zuen. Bertan, Gipuzkoako zibersegurtasun industrialeko zentroak OTko zibersegurtasunaren arloko bere proiektuen azken aurrerapenak aurkeztu zituen. SQSk antolatutako jardunaldian, hainbat sektore eta herrialdetako hamar bat erakundek parte hartu zuten, besteak beste, Cylus, Fortinet, Gupta Consulting, TÜV Süd, Arteche eta Limes Security.
QA&Test konferentziaren lehen jardunaldian, tren-produktuen eta produktu medikoen garapenaren bizi-zikloan zibersegurtasunaren hainbat alderdi jorratu ziren, baita FAT/SAT probetako zibersegurtasunaz hitz egin ere. Gainera, segurtasun-eremuetan zibersegurtasuna defendatzeko teknikak jorratu ziren. Hain zuzen ere, sistema txertatuetarako ‘defentsa sakonaren’ inguruan, UAVrako segurtasun eta babes-alderdien inguruan eta web-aplikazioen segurtasuna hobetzeko eraso-azalera apuntatzeko moduaren inguruan hitz egin zen.
Bigarren jardunaldian, berriz, segurtasunaren kontzeptua autopropultsioko segurtasunaren kontzeptuarekin alderatuta jorratu zen, eta, era berean, segurtasun eta zibersegurtasun industrialari buruzko atal praktikoari ekin zitzaion. Azken honetan, ZIUReko zuzendari teknikoa María Penillak parte hartu zuen.
María Penillak ZIURek egindako lana nabarmendu zuen, eta IEC 62443 ziurtagiriei buruzko atala moderatu zuen. Bertan, IEC 62443rekin izandako esperientziei buruzko kasu praktiko bat azaldu zen, eta IEC 62443ren araberako segurtasun-gaitasunen diseinua eta proba jorratu ziren, besteak beste.