ZIURen ziberinteligentzia txosten berriak DDoS erasoen gorakada erregistratu du
ZIURek urrian argitaratu du ziberinteligentziari buruzko bigarren txostena, eta urteko hirugarren hiruhilekoan industria-sektorean erregistratutako mehatxu zibernetikoak biltzen ditu. Txosten horren bidez, Gipuzkoako zibersegurtasun industrialeko zentroak lurraldeko erakunde industrialei lagundu nahi die balizko arriskuak arintzeko eta horiei aurre egiteko babes-neurriak hartzen, zibermehatxuen azken joerak kontuan hartuta.
Txostenak aurreko hilabeteetako mehatxuen antzeko egoera islatzen du; izan ere, orain arte tokiko, estatuko eta nazioarteko mailan erregistratu diren jarduerak eta estrategiak mantendu dira, orain arte jasaten ari ziren erasoen tipologia salbuetsita, DDoS erasoen gorakada erregistratu baita.
Era berean, zibersegurtasuneko zentroak industria-sektoreko erakundeen segurtasun informatikoaren heldutasunaren errepasoa egiten du, zibersegurtasunari eragiten dion nazioarteko tentsioa kontuan hartuta, baita hornidura-katearen bidez eraso arrakastatsuak jasateko arrisku handiena duten sektoreen azterketa ere.
Urteko hirugarren hiruhilekoan gertatu diren gertakarien datuei dagokienez, ZIURek laburbiltzen ditu kontuan hartu beharreko mehatxu-tipologiak, jarduera handiena duten mehatxu-eragileak eta enpresetan aplikatzeko prebentzio-gomendioen zerrenda bat eskaintzen du.