ZIURek zibersegurtasun-gertakarien kudeaketan formakuntza eskeini dio Donostialdeko 15 ikasleko talde bati
ZIURek zibersegurtasun-gertakarien kudeaketan formakuntza eskeini dio Donostialdeko 15 ikasleko talde bati
SEIM ikastetxeko ikasleek saio teoriko-praktiko batetan parte hartu dute Gipuzkoako Zibersegurtasun Industrialeko Zentroaren egoitzan
Donostiako SEIM ikasketa informatikoen zentroko Sareko Sistema Informatikoen Administrazioko Goi Mailako (ASIR) ikasleek ZIUR, Gipuzkoako Zibersegurtasun Industrialeko Zentroaren egoitzan egon dira. Ikasleek bisita baliatu dute zibersegurtasun industrialaren egungo erronka nagusiak ulertu eta ingurune produktiboetako ziberintzidenteen kudeaketan trebatzeko helburua izan duen saio teoriko-praktiko batean parte hartzeko.
Formakuntza saioa, ZIUReko ICS Security Architect Iñaki Torrecillak eta zibersegurtasuneko analista Markel Gómezek aurkeztu dute. Bi profesionalek IT (Informazioaren Teknologiak) eta OT (Teknologia Operatiboak) konbergentzia azaldu dute, baita gertakari baten aurrean erantzun eraginkorra egituratzeko funtsezko oinarriak ere. Saioan jarduera-protokoloaren faseak, informazio-erregistroaren garrantzia, barne-komunikazioa eta krisien aurrean erantzuteko batzordeak betetzen duen zeregina jorratu dira.
Alderdi teorikoaren ondoren, ikasleek Kaspersky Interactive Protection Simulation (KIPS) simulazio-jokoan oinarritutako hainbat dinamika praktikotan parte hartu dute. Tresna honen bidez, ur-hornidurako instalazio baten negozioaren jarraitutasuna bermatzera bideratutako zibersegurtasun-estrategia bat aplikatuz, erasoak jasaten dituen industria-ingurune simulatu batean erabakiak hartzeko aukera izan dute. Metodologia gamifikatu horrek gertakari bat denbora errealean nola kudeatzen den esperimentatzeko eta erabaki bakoitzaren eragina ulertzeko aukera eman die.
Horrelako ekimenekin, ikasleei lurraldeko industria-enpresen errealitatea hurbilduz eta haien prestakuntza praktikoa indartuz , ZIURek zibersegurtasunean espezializatutako talentuaren garapena bultzatu nahi du. Ikastetxeak hainbat hezkuntza-erakunderekin lan egiten du, besteak beste, SEIM, UGLE, Zubiri Manteo, Easo Politeknikoa, Ingeniarien Ikastetxea, Armeria Eskola, Izarraitz LH, Lea-Artibai, Mondragon Unibertsitatea eta EHUrekin.
SEIMen kasuan, ZIURek aurreko urteetan formakuntza eman die Zibersegurtasunean Aditu Masterreko ikasleei, eta, modu honetan, sektoreko etorkizuneko profesionalak trebatzeko konpromisoa indartu du.