ZIURek Deception proiektu aitzindariaren emaitzak partekatu ditu Mondragoneko Shaking HUB komunitatearekin

ZIURek ‘Deception’ proiektu aitzindariaren emaitzak partekatu ditu Mondragoneko ‘Shaking HUB’ komunitatearekin

Betapack eta Connect Group, proiektuan parte hartu duten 15 enpresetatik bik, beren esperientzia azaldu dute

ZIUR, Gipuzkoako Zibersegurtasun Industrialeko Zentroak, Mondragoneko kooperatibek esparru teknologikoan talentua garatzeko sustatu duten Shaking HUB komunitateak antolatutako ‘Ziberkriminalak eta enpresa industrialak Gipuzkoan’ online topaketan parte hartu zuen. Gipuzkoako enpresa industrialak erasotzerako orduan hackerrek erabiltzen duten modus operandia azaltzen duen ZIURen ‘Deception’ proiektu aitzindariaren emaitzak aurkeztea izan zuen helburu jardunaldiak. 

15 industria-enpresa gipuzkoarrek parte hartu dute ZIUR Fundazioak 48 hilabetez aurrera eraman duen proiektu honetan. Informazio erreala lortu, defentsa-estrategiak ezarri eta Gipuzkoako industria-enpresek gidatutako erasoak edota eraso masiboak jasaten dituzten aztertu ahal izateko zibererasotzaileen portaera itzalpean aztertu du ekimen honek. 

ZIUReko zuzendari nagusia María Penilla, Betapack-eko informazioaren teknologien arduradun José Luis Corona eta Ikor taldeko kide ohi eta gaur egun Connect Group-en informazioaren teknologien integrazioaren arduradun Iñaki Calonge saioan izan ziren. Bi azken hauek, beste 13 erakunderekin batera,   proiektuan parte hartu duten sektoreko enpresen artean daude.

ZIUReko zuzendariak ‘Deception’ ekimenaren garapenari buruzko xehetasunak eta ondorio nagusiak azaldu zituen. Betapack eta Connect Group-eko ordezkariek, bestalde, beren esperientzia eta proiektuan zehar eskuratutako ezagutzak eskaini zituzten.

Saioaren bideoa hemen ikus dezakezu: https://www.youtube.com/watch?v=zjPuKRqjh_4&t=3914s