Segurtasun digitala funtsezko faktore estrategikoa da industria-sektorearen lehiakortasunerako, adierazi du Penillak X Inspiring Women Leaders foroan
"Segurtasun digitala funtsezko faktore estrategikoa da industria-sektorearen lehiakortasunerako", adierazi du Penillak X Inspiring Women Leaders foroan
ZIUReko zuzendari nagusiak zibersegurtasunaren erronkak aztertu ditu iraultza kuantikoaren aroan eta Adimen Artifizialaren ‘olatuaren’ testuinguruan, 400 profesionalen aurrean
ZIUReko zuzendari nagusi Maria Penillak Bilboko Unibertsitatean otsailaren 4 eta 5 bitartean burutu den 'Inspiring Women Leaders in the Digital Era' nazioarteko foroaren 10. edizioan parte hartu du. Ekimenak 400 profesional inguru bildu ditu. Penillak zibersegurtasun arloan aurretik dituzten erronka nagusiak aurkeztu ditu. Gainera, lehen mailako adituekin batera partekatutako mahai inguru batean parte hartu du. Zibersegurtasun Industrialeko Zentroko Maite Carlik zuzendu du solasaldia eta Ironchip enpresako Nekane Muguruzak, MasOrange-eko Pilar Prietok, NYMIZ-eko Óscar Villanuevak eta World Alerts’ eko Carlota Escolanok hitz egin dute.
"Segurtasun digitala ez da soilik hesi tekniko gisa ulertu behar, baizik eta industria-sektorearen lehiakortasunerako estrategikoa eta funtsezkoa den faktore bat bezala”, adierazi du Penillak ‘W Startup Community’-k antolatutako topaketan. Penillak gehitu du eginkizuna enpresei, eta bereziki ETEei laguntzea dela, digitalizazio-prozesu seguru eta praktiko bat izan dezaten.
Horretaz gain, Penillak Adimen Artifizialak duen eraginen inguruko eta erronka horren aurrean izan behar den gobernantza sendo baten beharrari buruzko analisia egin du. Ildo horretan, IA erakunde askoren gainetik igarotzen ari den ‘olatu’ bat dela eta, datuen osotasuna babesteko, liderrek tresna hori erabiltzen jakin behar dutela adierazi du: “Baliabide hauek kontrolpean mantentzea da erronkarik handiena, argi izan behar dugu nolako arriskuak dituen IA-k eta mehatxua handiagoa da erakunde publikoetan”. Baita ere, zuzendaritza batzordeetako zibersegurtasuna negozio-estrategiarekin batera lerrokatzera animatu du Penillak.
Halaber, konputazio kuantikoak dituen aurrerapenetaz hitz egin du, zerbait berria, eta 2030. urtea baino lehenago gauzatu daiteken sistema bat, dela adieraziz: “Enpresen segurtasuna ebaluatzen duten KPI kuantifikagarrien bidezko neurketek lan egiteko era berri, argi eta profesional bat eskaintzen die kudeaketa teknologikoan zorrotzak izan nahi duten liderrei”.
Azkenik, ZIUReko zuzendari nagusiak, enpresek subirotasun teknologikoa izan behar dutela defendatu du: “Nahiz eta kanpoko hornitzaileak fidagarriak izan, zibersegurtasunari lotutako erabaki estrategikoak enpresen barruan burutzeaz gain, negozioaren ezagutzarekin sakonki lerrokatuta egon behar dira”.
Maria Penillak nazioarteko foru honetan izandako parte-hartzea emakumeek gaur egun duten lidergoaren isla da. Zuzendariak maila handiko ezagutza teknikoa eskaini du Gobernantza bezalako gaien inguruan eta gaur egun dauden arriskuen aurrean emakumeen lidergoa sustatzea funtsezkoa dela adierazi du.