ZIURek Madrilgo QA&TEST konferentziako batzorde teknikoko kide gisa errepikatu du
Zibersegurtasun zentroak programa konfiguratzen lagundu du bere esperientziaren bitartez
ZIURek, Gipuzkoako Zibersegurtasun Industrialeko Zentroak, QA&TEST Safety and Cybersecurity Madrid Nazioarteko Konferentziaren 5. edizioaren programaren garapenean parte hartu du.
ZIURek, zibersegurtasunean aditua den erakunde gisa, bere ekarpena egiteko aukera izan du Arte Ederren Zirkuluan apirilaren 3an eta 4an egindako topaketa honetan.
SQSk antolatutako jardunaldiaren helburua produktu edo sistema baten bizi-zikloaren etapetan "safety" eta "cybersecurity" alderdiak integratzeak dakartzan erronkak ezagutaraztea zen.
Arlo kritiko horietako azken joerei buruzko abangoardiako ezagutzak eta esperientziak bereganatzeko helburuarekin, ZIUReko Iñaki Torrecilla eta Markel Gómez zibersegurtasuneko adituak izan dira kongresu honetan.
Mundu osoko zibersegurtasunean adituak diren pertsonak bildu dituen QA&Test ekitaldian, hainbat sektore eta herrialdetako hamar bat erakundek parte hartu dute, besteak beste Talgok, Schneider Electricek, Intelek, Hewlett Packard Enterprisek eta Saab Kockumsek.