María Penilla, AFMren Kongresuan: “Aprobetxatu dezagun CRA-a hobeak eta lehiakorragoak izateko”
ZIUReko zuzendariak 'The Manufacturing Congress 2025', AFMek antolatutako urteko ekitaldiaren 24. edizioaren esparruan kokaturiko zibersegurtasun topaketa batean parte hartu du
“Aprobetxa dezagun CRA araudia hobeak eta lehiakorragoak izateko”. Horrela mintzatu da ZIUReko zuzendari María Penilla, AFM Klusterrak antolatutako ‘The Manufacturing Congress 2025' Fabrikazio Aurreratuaren eta Makina-Erremintaren 24. kongresuko zibersegurtasun arloko biltzarrean. Penillak enpresa industrialei zuzendu zaie, eta zibersegurtasunarekin lotutako guztiarekin ZIURen laguntza eskaini die. “Beti aurkituko duzue gugan arlo honetan elkarrekin ibiltzeko euskarri bat”, adierazi du.
Zibernetikaren sektorean erreferenteak diren estatuko eta tokiko profesionalak, hala nola AFM Cluster, Siemens, Orbik eta Tecnalia, Donostian bildu dira CCI Industrial Cybersecurity Center eta ZIUR zibersegurtasun zentroekin batera. Guztiek, bizi dugun ziurgabetasun handiko testuinguru global honetan, makina-erremintaren eta teknologia aurreratuen enpresa fabrikatzaileek eraldaketa digitalaren, jasangarritasunaren eta industria lehiakortasunaren aurrean dituzten erronkei buruz eztabaidatu dute.
Erresilientzia Zibernetikoaren Legea (CRA) eta NIS2 araudia indarrean sartzeak euskal industria askorentzat jokoaren arauak birdefinitu ditu. Ondorioz, bi gai hauek egon dira jardunaldiaren azpimarragarrien artean. Penillak CRAk enpresentzat dituen irismena, eskakizunak eta inplikazioak azaldu ditu, eta erakundeak gonbidatu ditu “serio har dezaten, hain zuzen ere horiek betetzea check berde hutsa izan ez dadin” bultzatu ditu. “Zibergaizkileen helburu zarete, eta zuen makinak inolako inpakturik izan ez dezan lagundu nahiko genizueke”, adierazi du.
ZIUReko zuzendariaz gain, zibersegurtasuneko topaketa honetan parte hartu dute CCI Industrial Cybersecurity Center-eko José Valientek, AFM Cluster-eko Jon Arreguik, Siemenseko Juan Carlos Pozasek, Orbik-eko Salvador Trujillok eta Tecnaliako Oscar Lagek. Ekitaldi horretan argi geratu da “zibersegurtasuna jada ez dela aukerako eragile bat, lehiakortasunerako, konfiantzarako eta industria erresilientziarako faktore estrategiko bat baizik”.